بەپێی زانیارییەکانی تۆڕی میدیایی ئێستا، ئێوارەی ئەمڕۆ تەرمی ژنێک لە گۆڕستانی سەیوانی شاری سلێمانی، دۆزراوەتەوە و هیچ ناسنامەیەکی پێنەبووە تا پێی بناسرێتەوە.
بە گوێرەی زانیارییەکان، “هاوڵاتییان لایەنە پەیوەندیدارەکانیان لە ڕوداوەکە ئاگادار کردووەتەوە و کاتێک هێزە ئەمنییەکان چونەتە شوێنی ڕوداوەکە، تەرمی ژنەکەیان هەڵگرتووەتەوە و ڕەوانەی پزیشکی دادیان کردووە.
سەرچاوەیەک لە سەنتەری فریاکەوتنی خێرا لە سلێمانی ڕوداوەکەی بۆ تۆڕی میدیایی ئێستا پشتڕاستکردەوە و ڕایگەیاند، “بەهۆی ئەوەی ژنەکە تەنها موبایلێکی پێبووە، نازانرێت ناسنامەی چییە و خەڵکی کوێیە”.
تۆڕی میدیایی ئێستا پەیوەندیکرد بە پۆلیسی سلێمانییەوە، پۆلیس ڕەتیکردەوە قسە لەسەر ڕوداوەکە بکات و ڕایگەیاند لێکۆڵینەوە دەکەن.
