وەزارەتی تەندروستیی هەرێمی كوردستان ڕایگەیاند، لەماوەی 24 كاتژمێری ڕابردوو 592 توشبووی نوێی كۆرۆنا تۆماركرا و سێ كەسیش بەهۆی ڤایرۆسەكەوە گیانیان لەدەستداوە.
بەگوێرەی ڕاگەیەندراوێكی وەزارەتی تەندروستیی هەرێم، لەماوەی 24 كاتژمێری ڕابردوو، لەكۆی نۆ هەزار و 440 پشكنین، 592 توشبووی دیكە تۆماركراوە، 645 توشبووی دیكەش چاكبوونەتەوە و سێ كەسیش بەهۆی پەتاكەوە گیانیان لەدەستداوە.
كۆی گشتیی توشبوانی كۆرۆنا لە هەرێم گەیشتە 169 هەزار و 454 توشبوو، لەو ڕێژەیەش 155 هەزار و 714 توشبوویان چاكبونەتەوە و چوار هەزار و 269 كەسیشیان بەهۆی ڤایرۆسەكەوە گیانیان لەدەستداوە.
