وەزارەتی تەندروستی ئاماری نوێی کۆرۆنای بڵاوکردەوە

وەزارەتی تەندروستیی هەرێمی کوردستان ئاماری 24 کاتژمێری ڕابردووی توشبوون و گیانلەدەستدانی بە کۆرۆنا بڵاوکردەوە و ڕایگەیاند 637 کەس تووشی کۆرۆنا بوون و هەشت کەسیش گیانیان لەدەستداوە.
لە راگەیەندراوێکدا وەزارەتی تەندروستی ڕایگەیاند، “114 کەس لە هەولێر، 261 کەس لە سلێمانی، 219 کەس لە دهۆک، 36 کەس لە گەرمیان و حەوت کەس لە ڕاپەڕین تووشی کۆرۆنا بوون”.
بەپێی ڕاگەیەنراوەکە لەو ماوەیەدا 860 کەس چاکبوونەتەوە.
هەروەها لە هەریەکە لە هەولێر و سلێمانی دوو کەس و لە دهۆک سێ کەس و کەسێکیش لە گەرمیان بەهۆی کۆرۆناوە گیانیان لەدەستداوە.
تاوەکو ئێستا لە هەرێمی کوردستان بەپێی ئامارە فەرمییەکانی وەزارەتی تەندروستی، 168 هەزار و 664 کەس تووشی کۆرۆنا بوون، 153 هەزار و 965 هەزار کەس چاکبوونەتەوە و چوار هەزار و 261 کەسیش گیانیان لەدەستداوە.

بابەتی پێشتر

دهۆک.. ئاگر لە چیای هێتوت کەوتەوە و سەدان دۆنم زەوی سوتان

بابەتی دواتر

سوپای تورکیا چوونەتە ناو گوندێکی کانی ماسێ

بابەتی پەیوەندیدار
Total
6
Share