ئینریکی پێکهاتەی ئیسپانیای بۆ یورۆی 2021 ئاشکراکرد

ڕاهێنەری هەڵبژاردەی ئیسپانیا، لویس ئینریکی پێکهاتەکەی بۆ جامی نەتەوەکانی ئەوروپا ئاشکراکرد و چەندین یاریزانی ناوداری دوورخستەوە.

بەپێی ئەو لیستەی ڕاهێنەری “لارۆخا” ڕایگەیاندووە، سێرجیۆ ڕامۆس، ڕۆدریگۆ مۆرینۆ، ئانسو فاتی، دانی سیبایۆس، مارکۆ ئاسینسیۆ، دانی کارڤاخال، خیسۆس ناڤاس، هیکتۆر بیلیرین، سێرجیۆ ڕیگیلیۆن و سێرجیۆ کانالێس بەهۆکاری جیاواز دوورخراونەتەوە.

لە بەرامبەردا ئایمیریک لاپۆرت-ی بەڕەگەز فەرەنسی بۆ پێکهاتەکەی بانگهێشتکردووە، کە لە پێشوودا ڕایگەیاندبوو، ئامادەیە بۆ پێکهاتەی ماتادۆرەکان یاریبکات، هەروەها پێدری-ی ناوەندکاری بەتوانای یانەی بەرشلۆنەی بانگهێشتکردووە، کە لەم وەرزەدا بە درێسی یانە کەتەلۆنیەکەوە ئاستێکی ناوازەی پێشکەشکردووە.

پێکهاتەی ئیسپانیا بۆ یورۆی 2021 بەم شێوەیەیە:

گۆڵپارێز: داڤید دی خیا، ئونای سیمۆن، ڕۆبێرت سانچێز.

بەرگری: جۆردی ئەلبا، خوسێ لویس گایا، ئایمیریک لاپۆرت، پاو تۆرێس، دیێگۆ یۆرێنتی، ئیریک گارسیا، سیزار ئازپیلیکوێتا.

ناوەند: سێرجیۆ بۆسکێتس، کوکی، تیاگۆ ئالکانتارا، ڕۆدری، فابیان ڕویز، مارکۆس یۆرێنتی، پێدری.

هێرشبەر: ئەلڤارۆ مۆراتا، میکێل ئۆیارزابال، جێرارد مۆرینۆ، دانی ئۆلمۆ، فیران تۆرێس، پابلۆ سارابیا، ئاداما تراوری.

بابەتی پێشتر

یو ئێن لەبارەی گیان لە دەستدانی گەنجە ڕۆژهەڵاتییەکەوە ڕاگەیەندراوێکی بڵاوکردەوە

بابەتی دواتر

جامی سوپەری ئیتاڵی دەگەڕێتەوە سعودیە

بابەتی پەیوەندیدار
Total
0
Share