بەهۆی بەرزبونەوەی یەدەگی نەوتی عەمباركراوی ئەمریكا، نرخی نەوت لە بازاڕەكانی جیهاندا بەردەوامە لە دابەزین و لەماوەی نزیكەی 48 كاتژمێری رابردوودا هەر بەرمیلێك نزیكەی چوار دۆلار لە نرخەكەی كەمبوەتەوە.
ئەمڕۆ پێنجشەممە لە كاتی كردنەوەی بازاڕە جیهانییەكان، نرخی نەوتی برێنت بە 66.66 دۆلار مامەڵەی پێوەكرا.
هاوكات نرخی نەوتی تەکساسی ئەمریکاش بە 63.63 دۆلار مامەڵەی پێوەدەكرێت.
لە چەند ڕۆژی ڕابردوو، نرخی نەوت گەیشتە سەروو 70 دۆلار، ئەویش بەهۆی كرانەوەی بازاڕەکان و هەڵگرتنی قەدەغەی هاتوچۆوە لە زۆرێك لە وڵاتانی جیهان، بەڵام دوای چەند ڕۆژێكی كەم، نرخەكەی ڕوولەدابەزینە.
