منداڵێكی تەمەن سێ ساڵان دەكەوێتە نێو مەلەوانگەی باخەكەیان و دەخنكێت.
شه‌ریف ره‌حیم وتەبێژی ته‌ندروستی چه‌مچه‌ماڵ، به تۆڕی میدیایی ئێستای ڕاگه‌یاند، “كاتژمێر 7:00 ى ئێوارەی ئەمڕۆ، له یه‌كێك له باخه‌كانی بانی مه‌قان، منداڵێكی تەمەن سێ ساڵان بەناوی ( ا.ش) كەوتووەتە نێو مەلەوانگەكەیان و خنكاوە، كه‌سوكاره‌كەشی ته‌رمه‌كه‌یان ده‌رهێناوه”.
ئاماژەی بەوەشكرد، “كه‌سوكاری منداڵه‌كه دانیشتوی سەنتەری قه‌زای چه‌مچه‌ماڵن و به‌مه‌به‌ستی به‌سه‌ربردنی كات سه‌ردانی باخەكەیان كردووه، دواتر ئەو ڕووداوە ڕوویداوە”.
وتەبێژی تەندروستی چەمچەماڵ باسیلەوەشكرد، دوای گه‌یاندنی ته‌رمی منداڵەكە، به‌سه‌نته‌ری فریاكه‌وتنی چه‌مچه‌ماڵ، ڕه‌وانه‌ی پزیشكی دادی سلێمانی كراوه.
