نوێنەری چاودێریی بازرگانیی لە قائیمقامییەتی سلێمانی رایدەگەیەنێت، بڕیاردرا لە ساڵی نوێوە 10 نان بە هەزار دینار بە هاوڵاتییان بفرۆشرێت.
شوان حەسەن نوێنەری چاودێری بازرگانی لە قائیمقامییەتی سلێمانی لە لێدوانێكدا بە تۆڕی میدیایی ئێستای راگەیاند، لە سەرۆكایەتیی ئەنجومەنی وەزیرانەوە نووسراوێكمان ئاراستە كراوە كە لە ساڵی نوێوە 10 نان بە هەزار دینار بە هاوڵاتییان بفرۆشرێت.
راشیگەیاند، لە بەرامبەردا حكومەت ئارد بە نرخی پاڵپشتیكراو بۆ نانەواخانەكان دابیندەكات و لە هەمانكاتدا چاودێریی بازرگانی و قائیمقامییەت و سەندیكای نانەواخانەكان كۆدەبنەوە و كێشی نانەكان دیاریدەكەن.
