بڕیارە ئەمڕۆ 13ی تشرینی یەکەم، سەرۆکی حکومەتی هەرێم بەردی بناغەی پردی دەربەندی ڕانییە دابنێت کە گوژمەی تێچووەکەی 10 ملیار و 300 ملیۆن دینارە.
لەسەر پڕۆژەکە مەسرور بارزانی، سەرۆکی حکومەتی هەرێم لە تویتێکدا ڕایگەیاندووە، “بە پەرۆشم بۆ ئەوەی ڕاستەوخۆ گوێ لە خەڵکی دەڤەرەکە بگرم و مەبەستمانە ئیدارەی ڕاپەڕین سوود لە توانا ئابورییەکانی وەربگرێت”.
سەرۆکی حکومەت وتوشیەتی، “من، ئێستا لەرێگەم بۆ ڕانیە، شوێنی سەرهەڵدانی ڕاپەڕینەکەی 1991، بۆ ئەوەی بەردی بناغەی پردی دەربەندی ڕانیە دابنێم، (کە پڕۆژەکە) بە 9 ملیۆن دۆلار جێبەجێ دەکرێت”.
I’m on my way to Rania, birthplace of the 1991 uprising, to lay the foundation stone of the $9m Darbandi Rania Bridge.
We are intent on helping Raparin administration realise its economic potential.
I look forward to hearing firsthand what more we can do -mb.
— Masrour Barzani پابەندین# (@masrour_barzani) October 13, 2020
مەسرور بارزانی نوسیویشیەتی، “مەبەستمانە یارمەتیی ئیدارەی ڕاپەڕین بدەین بۆ ئەوەی سوود لە توانا ئابوورییەکانی وەربگرێت، بەپەرۆشم بۆ ئەوەی راستەوخۆ گوێیان لێبگرم و بزانین دەتوانین چی زیاتر بکەین”.
بەپێی زانیارییەکان لە سەردانی سەرۆکی حکومەتی هەرێم بۆ ئیدارەی ڕاپەڕین چەند پڕۆژەیەکی دیکەش ڕادەگەیەنرێت.
