ئەمڕۆ چوارشەممە لە بارەگای مەكتەبی سیاسیی یەكێتی لە شاری هەولێر، قوباد تاڵەبانی سەرپەرشتیاری سكرتارییەتی سەرۆك مامجەلال و دەرباز كۆسرەت ڕەسوڵ كارگێری مەكتەبی سیاسیی یەكێتیی نیشتمانیی كوردستان، لەگەڵ بۆردی حكومەت و پەرلەمان كۆبوونەوە.
لە كۆبوونەوەكەدا كە ژمارەیەك لە هەڤاڵانی سەركردایەتی و وەزیرەكانی یەكێتی ئامادەیبوون، قوباد تاڵەبانی و دەرباز كۆسرەت ڕەسوڵ كورتەیەكیان لەبارەی دوایین گۆڕانكاری و پێشهاتەكان، هەڵوێست و هەنگاوەكانی یەكێتی بۆ ئامادەبووان خستەڕوو و جەختیان لەوەكردەوە كە یەكێتی لەپێناو مافەكانی خەڵك و حوكمڕانییەكی تەندروست هەموو هەنگاوێك دەگرێتەبەر.
كۆبوونەوە بە گفتوگۆی هەڤاڵانەی بەشداربووان و هەڵسەنگاندنی سەرجەم ئەگەر و پێشهاتەكان كۆتاییهات، هەمووان هاوڕابوون كە یەكێتییەكی یەك دەست و یەك گوتار دەتوانێت بەرەنگاری هەموو ئاڵنگارییەكان ببێتەوە و زاڵبێت بەسەر كێشەو گرفتەكان و هەنگاو بنێت بۆ كۆتاییهێنان بە قۆرغكارییەكان.
