پۆگبا: نگۆلۆ کانتی خۆشەویستترینی جیهانە و فێڵبازیشە

ئەستێرەی فەرەنسی یانەی مانچستەر یونایتد، پۆل پۆگبا دووپاتیدەکاتەوە، نگۆلۆ کانتی هاوڕێی فرتوفێڵی وەرزشیی دەکات و لەهەمان کاتدا خۆشەویستترین یاریزانی جیهانە.

پۆگبا لە پێکهاتەی هەڵبژاردەی فەرەنسا هاوشانی کانتی یاریدەکات و پەیوەندییەکی هاوڕێیانەی توندوتۆڵیان هەیە، لە چاوپێکەوتنێکدا ئاماژە بە کەسایەتی هاوڕێ شەرمنەکەی دەکات و دەڵێت، ” لە پێناو سەرکەوتندا کانتی هاوڕێم تەنانەت فرتوفێڵیش دەکات”.

پۆگبا بە “بی ئین سپۆرتس”ی ڕاگەیاندووە، ” لە یاری کۆنکەن و تێنس و چەندین یاری دیکەدا کانتی فێڵ دەکات، یاریزانێکی بە فرتوفێڵە و هێندە بەستەزمان نییە، باوەڕم پێبکەن”.

هەروەها دەڵێت، ” کانتی دەڵێت فرتوفێڵ ناکەم، بەڵام دەیکات، کوڕێکی زیرەکە هەمووان خۆشیاندەوێت، خۆشەویستترین یاریزانی جیهانە، هەرگیز ناتوانیت ڕقت لێیبێت، زۆر لەخۆبووردە و پڕۆفیشناڵە، گوێم لێنەبووە بێزاری دەرببڕێت و بەردەوام هەوڵدەدات، سەرجەم خەسڵەتە هونەرییەکانی تێدایە و بەتوانایە، توانای پاسدانی باشە و لەهەموو پێگەیەکی یاریگا ئامادەیە، کاتێک یاریزانێکی وەها لەگەڵتدا یاریدەکات، دەبێت لەوە زیاتر داوای چی بکەیت؟”.

پۆل پۆگبا و نگۆلۆ کانتی لە پێکهاتەی “لێس بلوس”ی فەرەنسا هاوشانی یەکدی یاریدەکەن، بەڵام لەسەر ئاستی یانە لە مانچستەر یونایتد و چێڵسی چەندین وەرزە کێبڕکێی یەکدی دەکەن.

بابەتی پێشتر

عێراق و سوریا گرفتی كەمئاوی تاوتوێدەكەن

بابەتی دواتر

هاوپەیمانیی نێودەوڵەتی پێنج مۆڵگەی داعش لە شاخی حەمرین دەكاتە ئامانج

بابەتی پەیوەندیدار
Total
1
Share