یانەکانی ئەتلەتیکۆ مەدرید و ڕیاڵ مەدرید و بەرشلۆنە لە کێبڕکێیەکی بەهێزدان و ئەگەر هەیە لە کۆتایی وەرزدا ژمارەی خاڵەکانیان هاوتا ببێتەوە.
لەم وەرزەدا 2020/2021 یانەکانی خولی پلە یەکی ئیسپانیا 35 یارییان ئەنجامداوە و تەنها سێ ڕوبەڕووبوونەوەیان ماوە بۆ گەیشتن بە کۆتایی.
ئەتلەتیکۆ مەدرید تاوەکو ئێستا بە کۆکردنەوەی 77 خاڵ لە لوتکەی ڕیزبەندیدایە، بەدوایدا یانەکانی ڕیاڵ مەدرید و ئیشبیلیە دێن کە هەریەکەیان خاوەنی 75 خاڵن.
ئەگەر بێتو ئەستێرەکانی سیمیۆنی لە کۆتا سێ یارییدا یەکسانبوونێک و سێ بردنەوە تۆماربکەن، لە بەرامبەردا ڕیاڵ و بارسا سەرجەم یارییەکانیان ببەنەوە، ژمارەی خاڵەکانی هەرسێ یانە دەگاتە 84 خاڵ، واتا هاوتا و یەکسانی یەکدی دەبنەوە.
پرسیارەکە ئەوەیە: لەم حاڵەتەدا، لە حاڵەتی یەکسانبوونی ژمارەی خاڵەکانی تیپی یەکەم و دووەم و سێیەم لە خولی ئیسپانیا چی ڕوودەدات؟ یاخود بە چ ڕێسایەک کاردەکرێت؟
بەپێی ڕێسا کارپێکراوەکانی فیدراسیۆن و ڕایەڵەی یانەکانی لالیگا، لە ئەگەری یەکسانبوونی خاڵەکانی نێوان دوو یانە و زیاتر، ڕاستەوخۆ پەنا بۆ ڕوبەڕووبوونەوە ڕاستەوخۆکان دەبرێت، لەم بارەشدا یانەی ڕیاڵ مەدرید دەبێتە پاڵەوان، چونکە لە بەریەککەوتنە ڕوبەڕووەکاندا بەرامبەر بارسا و ئاتلەتی باڵادەستە.
ئەگەر لە ڕوبەڕووبوونەوە ڕاستەوخۆکاندا هاوتابوون، پەنا بۆ ڕێژەی گۆڵەکان لە ڕوبەڕووبوونەوە ڕاستەوخۆکان دەبردرێت، ئەگەر دیسانەوە یەکسانبوون پەنا بۆ تۆماری گۆڵ دەبردرێت بە درێژایی وەرز.
