سەمای سەر سنور.. دوو سەربازیی ژنی ئیسرائیلی لەگەڵ دوو سەربازی میسری سەما دەکەن

بەپێی ئەو ڤیدیۆیەی کە لە تۆڕە کۆمەڵایەتییەکان بڵاوکراوەتەوە، دەردەکەوێت ڕۆژی ٤ی ئەم مانگە، دوو سەربازی ژنی ئیسرائیلی، لەگەڵ دوو سەربازی میسری لە سنورەکانی هەردوو وڵات لە بیابانی سینا سەما دەکەن.

ڤیدیۆکە لە کەناڵی “کان”ی ئیسرائیلی لە ڕۆژی 4ی ئایار بڵاوکراوەتەوە و پشتڕاستکراوەتەوە کە سەماکە لە بیابانی سینا بووە و پاسەوانانی سنوری ئیسرائیل و میسر پێکەوە سەمایان کردووە.

بەپێی بڵاوبوونەوەی ڤیدیۆکە، ئیسرائیلییەکان زیاتر لە میسرییەکان پێشوازیان لە ڤیدیۆکە کردووە و بە حاڵەتێکی ئاسایی و دۆستانەیان ناوبردووە.

لە ساڵی 1967 دا لە جەنگی شەش ڕۆژە لە نێوان ئیسرائیل و هەندێک لە وڵاتانی عەرەبیدا، بەشێک لە بیابانی سینا کەوتە ژێر کۆنترۆڵی ئیسرائیلەوە و ئەگەرچی لە چەند ڕێککەوتننامەیەکدا وەک ڕێککەوتنامەی ساڵی 1982 ، بەشێک لە ناوچەکە بۆ کۆنترۆڵی میسر گەرایەوە، بەڵام ئێستاش سینا لە ڕوی ئاسمانییەوە لە ژێر کۆنترۆڵی ئیسرائیلدایە.

لە دوای کۆتاییهێنان بە دەسەڵاتی محەمەد مورسی لە میسر، جارێکی دیکە پەیوەندییەکانی ئیسرائیل ئاسایی بۆتەوە و ئێستا وەک دوو وڵاتی دراوسێی دۆست سنورەکانیان دەپارێزن.

بابەتی پێشتر

قەدەغەی هاتوچۆی ڕۆژانی جەژن هەڵوەشایەوە

بابەتی دواتر

کەشناسیی هەرێم پێشبینی بارانبارین دەکات

بابەتی پەیوەندیدار
Total
0
Share