سوریا داوای بەردانەوەی ئاوی فوڕات لە توركیا دەكات

بەردەوامیی ئەم دۆخەی ئێستا هەڕەشە لە ئاسایشی ئاو دەكات

وەزیری سەرچاوە ئاوییەكانی سوریا داوا لە توركیا دەكات ئاوی فوڕات بەپێی پشكی دادپەروەرانە بۆ سوریا و عێراق بەربداتەوە، داواش لە كۆمەڵگای نێودەوڵەتی و ڕێكخراوە نێودەوڵەتییەكان دەكات دەستێوەردان بكەن.

تەمام ڕەعد، وەزیری سەرچاوە ئاوییەكانی سوریا ڕایگەیاند، كەمبوونەوەی ئاوی فوڕات بۆ خوار 50%ی ئاستی پێشووی، كاریگەریی كردووەتەسەر ئاستی ئاوەكە لە سوریا و وێستگەكانی ئاوی خواردنەوە و ئاوەڕۆ.

وتیشی، هۆكاری كەمبوونەوەكە گلدانەوەی ئاوە لەلایەن توركیاوە، كە داوای لێدەكەین ئاو بەربداتەوە بەپێی پشكی دادپەروەرانەی بڕیاردراو بۆ هەریەك لە سوریا و عێراق.

وەزیرەكەی سوریا داواشی لە كۆمەڵگای نێودەوڵەتی و ڕێكخراوە نێودەوڵەتییەكان كرد دەستێوەردان بكەن بۆ گەڕانەوەی ئاستی ئاوی فوڕات بۆ ئاستی پێشووی خۆی.

هۆشداریشیدا لەوەی، بەردەوامیی ئەم دۆخەی ئێستا هەڕەشە لە ئاسایشی ئاو دەكات لە هەریەك لە ڕەققە و دێرەزور و حەسەكە.

س: سانا + RT

بابەتی پێشتر

(ڤیدیۆ) چێڵسی ڕیاڵی پەکخست و دووەم بلیتی فاینەڵی چامپیۆنزلیگی بڕی

بابەتی دواتر

كەركوك.. داعش هێرشی بۆسەر هێزێكی سوپای عێراق ئەنجامدا

بابەتی پەیوەندیدار