پۆلیسی هەولێر ڕایدەگەیەنێت، گەنجێكیان بە تۆمەتی بەكارهێنانی ماددەی هۆشبەر دەستگیركردووە.
بەڕێوەبەرایەتی پۆلیسی پارێزگای هەولێر ئەمڕۆ سێشەممە بڵاویكردەوە، هێزەكانی پۆلیسی فریاكەوتن لە شەقامی 100 مەتری تۆمەتبارێکیان بە ناوی (ع.ا.ب) بە تۆمەتی بەکارهێنانی ماددەی هۆشبەر لە جۆری (کریستاڵ) دەستگیرکرد.
دەشڵێت، لە کاتی دەستگیرکردنی تۆمەتباردا دەست بەسەر بڕێک ماددەی هۆشبەر و دەمانچەیەک و ئۆتۆمبێلەکەی و کۆمەڵێک کەلوپەلی بەکارهێنانی ماددە هۆشبەرەکاندا گیرا.
پۆلیسی هەولێر ئاماژە بەوەشدەكات، بە مەبەستی گرتنەبەری ڕێکاری یاسایی بەرامبەری، ڕادەستی بەشی پۆلیسی نەهێشتنی تاوان کرا.
