کیسنجەر: ئاڵۆزییەکانی نێوان ئەمریکا و چین هەڕەشە لە هەموو جیهان دەکات

هێنری کیسنجەر، دیپلۆماتكاری پێشووی ئەمریکا هۆشداری دەدات لە ئاڵۆزییەکانی نێوان ئەمریکا و چین و دەڵێت، ناکۆکییەکانی نێوان ئەو دوو وڵاتە هەڕەشە لە هەموو جیهان دەکات، چونکە ئەوجۆرە ناکۆکییە توندە سەربازی و تەکنەلۆژییەی ئێستا پێشینەی نەبووە لەنێوان ئەو دوو وڵاتەدا.

وەزیری دەرەوەی ئەمریکا لە سەردەمی ڕیچارد نیکسۆن سەرۆکی پێشووتری ئەمریکا و ئەندازیاری نزیکبوونەوەی نێوان هەردوو وڵات لە حەفتاکانی سەدەی پێشوودا دەڵێت، “توانا ئابوری، سەربازی و تەکنەلۆژییەکانی ئێستای هەردوولا ئەو ناکۆکییانەی لەنێوانیاندایە مەترسیدارتر دەکات بەراورد بە جەنگی ساردی نێوان ئەمریکا و یەکێتیی سۆڤیەتی جاران.

کیسنجەر وتی، “ئەمە گەورەترین کێشەیە بۆ ویلایەتە یەکگرتووەکانی ئەمریکا و گەورەترین کێشەیە بۆ هەموو جیهان پێکەوە”.

ئاماژەی بۆ ئەوەکرد، “مەترسییەکانی بەرەوپێشچوونە تەکنەلۆژییەکان لە بواری چەکی ئەتۆمی و زیرەکیی دەستکرددا دوو لایەنن کە هەردوولا دەسەڵاتیان بەسەریدا هەیە، ئەمەش مەترسی کۆتاییهاتنی جیهان زیاتر دەکات”.

هێنری کیسنجەر باسیلەوەکرد، “بابەتی ئەتۆمی و تەکنەلۆژی کە هەردووکیان تیشکیان خستووەتەسەر زیرەکیی دەستکرد، لەکاتێکدا ئامێر و ڕۆبۆتەکان بە هاوبەشی لەگەڵ مرۆڤدا کاربکەن ئەوان لەتوانایاندایە پەرەیان پێبدرێت و خودکاری کاربکەن، ئەەم وادەکات بە گرنگییەوە لە مەترسییەکانی سەر ناکۆکیی و پێکدادانی سەربازیی نێوان ئەو دوو وڵاتە بڕوانین”.

بە بۆچوونی کیسنجەر ناکرێت ناکۆکییەکانی ئێستای نێوان ئەمریکا و چین بەراورد بکرێت بە جەنگی ساردی نێوان ئەمریکا و یەکێتیی سۆڤییەت لەدوای جەنگی جیهانیی دووەمەوە.

“یەکێتیی سۆڤییەت توانا ئابورییەکانی لەوکاتەدا لاوازبوو، بەڵام توانا تەکنەلۆژی و سەربازییەکانی لە ئاستێکی بەرزدابوو، لەگەڵئەوەشدا بەراورد ناکرێت بەو توانا ئابوورییە بەهێزەی ئێستا چین هەیەتی سەرەڕای توانا زۆرە تەکنەلۆژی و سەربازییە گەورەکانی”.

کیسنجەر دەڵێت، پێویستە ئەمریکا لەسەر پاراستنی بنەماکانی بمێنێتەوە و وابکات کە چین ڕێز لە بنەماکانی بگرێت، هەروەها داوا لە چین دەکەن لە چوارچێوەی گفتوگۆی بەردەوامدا بمێنێتەوە.

بابەتی پێشتر

لە کۆی زیاتر 1500 کاندیدی هەڵبژاردن نزیکەی 400 کەسیان ژنن

بابەتی دواتر

ئێران ئەو لایەنانە ئاشکرا دەکات کە ئەگەری هەیە سزای ئەمریکای لەسەر هەڵبگیرێت

بابەتی پەیوەندیدار
Total
9
Share