کاتژمێر 2ی بەرەبەیانی ئەمڕۆ چەکدارانی داعش هێرشیانکردە سەر چەکدارانی حەشدی شەعبی و سوپای عێراق، لە ئەنجامدا لە نزیک گوندی کەنیسە، دوو ئەندامی هێزە ئەمنییەکان کوژراون و شەش کەسی دیکە بریندارن.
پەیامنێری تۆڕی میدیایی ئێستا لە کەرکوک ڕایگەیاند، “هێرشی چەکدارانی داعش لە نزیک گوندی کەنسیە بووە لەسەر ڕێگەی سەرەکی کەرکوک – بەغداد، دوای کوژران و برینداربوونی ئەو ئەندامانەی هێزە ئەمنییەکان سەرجەمیان گواستراونەتەوە بۆ نەخۆشخانەی گشتی کەرکوک”.
چەکدارانی داعش بەردەوام لە نێوان سنورەکانی کەرکوک تا دوزخورماتوو چالاکن و بۆسە دادەنێنەوە بۆ ئەندامانی هێزە ئەمنییەکان، هەفتەی ڕابردووش چەکدارانی داعش هێرشیانکردبووە سەر فەوجی یەکی لیوای 20ی پۆلیسی فیدراڵی لە گوندی تەلرەبعەی قەزای داقوق.
هەر دوێنێ 29ی نیسان خۆ کوژێکی چەکدارانی داعش لە دەرگای چونەژوورەوەی بەڕێوبەرایەتی ئاسایشی نیشتمانیی لە کەرکوک خۆی تەقاندەوە.
