لە شاخێكی ناحیەی سەرکەپکان، شوانێک بە مردوویی دۆزرایەوە و پۆلیسی ڕاپەڕینیش دەڵێت، بەهۆی هەورەبروسکەوە گیانیلەدەستداوە.
شۆڕش ئیسماعیل، وتەبێژی بەڕێوەبەرایەتیی پۆلیسی ڕاپەڕین ئەمڕۆ سێشەممە ڕایگەیاند، تەرمی شوانێک بەناوی (ت. ب.ح) لە ڕەگەزی نێر لەدایكبووی ساڵی 2000 لە شاخی شێبانی ناحیەی سەرکەپکانی سەر بە قەزای ڕانیە دۆزراوەتەوە.
بەپێی ڕاگەیەنراوەکە ئەو گەنجە بە هەورەبروسکە گیانیلەدەستداوە.
پۆلیسی ڕاپەڕین ئاماژەی بۆ ئەوەشکردووە کە دوای دۆزینەوەی تەرمەکەی ڕەوانەی پزیشکی دادوەریی ڕانیە کراوە و دواتر ڕادەستی کەسوکارەکەی کراوەتەوە.
