ناوەڕۆکی کۆبوونەوەی نێوان سێ سەرۆکایەتییەکەی هەرێم و بەرهەم ساڵح

ئەمڕۆ 12ی تشرینی یەکەم سێ سەرۆکایەتییەکەی هەرێم بە میوانداریی سەرۆککۆماری عێراق کۆبوونەوە، كۆبوونەوەكەش تايبه‌ت بووە به‌ بارودۆخی عێراق به‌گشتی و هه‌رێمی كوردستان به‌تايبه‌تی.

لە ڕاگەیەنراوەکەی کۆبوونەوەکەدا هاتووە، “كۆبوونه‌وه‌ به‌ په‌رۆشه‌وه‌ ده‌ڕوانێته‌ ئه‌و باره‌ قورسه‌ دارايى و ئه‌منى و ته‌ندروستييه‌ى له‌ عێراق و هه‌رێمى كوردستان هاتووه‌ته‌ ئاراوه‌ و پشتيوانيى هه‌رێمى كوردستانى بۆ هه‌نگاوه‌كانى حكوومه‌ت و دامه‌زراوه‌ ده‌ستوورييه‌ فيدراڵييه‌كان دووپات كرده‌وه‌ بۆ پاراستنى ئاسايش و سه‌قامگيريى وڵات، به‌تايبه‌تى ڕه‌خساندنى كه‌شێكى سه‌قامگير و له‌بار بۆ كار و ئه‌ركى نوێنه‌رايه‌تيى وڵاتانى دۆست و نێرده‌ نێوده‌وڵه‌تييه‌كان له‌ عێراق”.

ڕاگەیەنراوەکە ئاشکرایکردووە، “كۆبوونه‌وه‌ ئه‌نجامدانى هه‌ڵبژاردنى پێشوه‌خته‌ى عێراقى تاووتوێ كرد و پشتيوانيى خۆى بۆ زه‌مينه‌سازى بۆ هه‌ڵبژاردنێكى سه‌ركه‌وتووانه‌ له‌ عێراق ده‌ربڕى، ناوچه‌ كێشه‌ له‌سه‌ره‌كان و جێبه‌جێكردنى مادده‌ى (140)ى ده‌ستوورى عێراق، به‌شێكى ديكه‌ى كۆبوونه‌وه‌ بوون و ئاماده‌بووان هاوهه‌ڵوێست بوون له‌سه‌ر به‌رده‌واميى گفتوگۆ بۆ چاره‌سه‌ركردنى سه‌رجه‌م كێشه‌كانى ئه‌و ناوچانه‌”.

ڕاگەیەنراوی کۆبونەوە هاوبەشەکە وتوشیەتی، “كۆبوونه‌وه‌ پشتگيريى خۆى بۆ دوايين ڕێككه‌وتنى حكوومه‌تى فيدراڵى عێراق و حكوومه‌تى هه‌رێمى كوردستان بۆ ئاساييكردنه‌وه‌ى دۆخى شه‌نگال و گه‌ڕانه‌وه‌ى ئاواره‌كان دووپات كرده‌وه‌، هه‌روه‌ها هه‌موو هه‌وڵێكى گۆڕينى ديموگرافى له‌ ناوچه‌ كێشه‌ له‌سه‌ره‌كان ڕه‌تكرده‌وه‌ و داواى كرد حكوومه‌تى فيدراڵى عێراق ميكانيزمى ئارامى و ئاسايشى ناوچه‌ كێشه‌ له‌سه‌ره‌كان ده‌سته‌به‌ر بكات”.

كۆبوونه‌وەکە‌ جه‌ختى له‌وه‌ كرده‌وەتەوە‌ كه‌ “بۆ تێپه‌راندنى ئه‌م دۆخه‌ سه‌خته‌ و پاراستنى به‌رژوه‌ندييه‌كانى خه‌ڵكى كوردستان، پێويسته‌ سه‌رجه‌م لايه‌ن و پێكهاته‌كانى كوردستان توانايان يه‌ك بخه‌ن و يه‌كرێز و يه‌كهه‌ڵوێست ڕووبه‌ڕووى ئه‌م دۆخه‌ هه‌ستياره‌ و ئه‌گه‌ره‌كانى داهاتوو ببنه‌وه‌”.

ڕاگەیەنراوی کۆبوونەوە هاوبەشەکە ئاماژەی بەوەکردووە، “كۆبوونه‌وه‌ شه‌هيدكردنى ئه‌فسه‌رى ئاسايش غازى ساڵخ ئاليخانى له‌ سنوورى پارێزگاى دهۆك شه‌رمه‌زار كرد”.

بابەتی پێشتر

پۆلیسی هەولێر تۆمەتبارێکی بە '329 ناسنامە و مۆری ساختە'وە دەستگیرکرد

بابەتی دواتر

بەڕێوبەری ناحیەی قەرەهەنجیر لەسەر گرتە ڤیدیۆی 'قەرەباڵخی نەوت وەرگرتن' ڕوونکردنەوە دەدات

بابەتی پەیوەندیدار
زیاتر ببینە

بافڵ جەلال تاڵەبانی لە دەباشان پێشوازی لە موحسین مەندەلاوی جێگری یەكەمی سەرۆكی ئەنجومەنی نوێنەران كرد

بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە موحسین مەندەلاوی، جێگری یەكەمی سەرۆكی ئەنجومەنی نوێنەرانی…
Total
0
Share