لیژنەکانى قائیمقامیەتی سلێمانی خواردنگەیەکیان بەهۆى پابەندنەبوون بە مەرجەکان و نەبوونى مۆڵەتى کارکردنەوە داخست.
راگەیاندنی قائیمقامیەتی سلێمانی بڵاویکردەوە، بەهۆی پابەندنەبوون بە مەرج و رێنماییەکانی تەندروستی و ڤێتێرنەری، لیژنە هاوبەشەکانی قائیمقامیەتی سلێمانی “باڵە خۆشەکەی فاخر هەریری” دادەخات.
روونیشیکردەوە، سەرباری ئەوەی کە پابەندی مەرجەکان نەبووە، مۆڵەتی کارکردنی شوێنەکە و کارمەندەکانیان نییە، ئەوەش یەکێکی دیکەیە لە سەرپێچییەکانی شوێنەکە.
قائیمقامیەتی سلێمانی دەشڵێت، لەکاتی سەردانی لیژنەکانی قائیمقامیەتی سلێمانی دەرکەوتووە پابەندی هیچ یەکێک لە مەرج و رێنماییەکانی تەندروستی و ڤێتێرنەری نەبوە، بۆیە بە فەرمانی قائیمقامی سلێمانی دادەخرێت و خاوەنەکەشی رووبەڕووی رێکاری یاسایی دەکرێتەوە.
