هێزەكانی سەر بە هاوپەیمانیی نێودەوڵەتی بۆ شەڕی داعش لە ڕۆژئاوای كوردستان، لەگەڵ هەسەدەدا سەرقاڵی ڕاهێنانن.
ڕوانگەی سوری بۆ مافەكانی مرۆڤ ئەمڕۆ شەممە ڕایگەیاندووە، “هێزەكانی هاوپەیمانیی نێوەدەوڵەتی بۆ شەڕی داعش لەگەڵ هەسەدە بە چەك سەرقاڵی ڕاهێنانن”.
ئاماژەی بەوەشكردووە، “شوێنی ڕاهێنانەكەیان لە ناوچەی كێڵگەی نەوتی عومەر بوون لە دێرزۆر، لە ڕۆژهەڵاتی فوڕات”.
ڕوانگەكە ئەوەشی خستوەتەڕوو، ڕاهێنانەكانی هاوپەیمانان لەگەڵ هەسەدە هاوكاتی هەندێك جوڵە و هەنگاوی نوێی ئەمریكایە لە سوریا.
