بەڕێوەبەرایەتیی کەشناسیی هەرێم بڵاویکردەوە، کاریگەری شەپۆلی بارانبارین تا سبەینێ ئێوارە بەردەوام دەبێت.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ دووشەممە ئاسمان هەوری تەواو دەبێت لەگەڵ نمە باران لە زۆربەی ناوچەکانی هەرێم هەندێک کات دەگۆڕێت بۆ تاوە باران و بروسکە لە کاتەکانی دواینیوەڕۆ پێشبینیدەکرێت لە ناوچە شاخاوییەکانی سنووری پارێزگای هەولێر و ئیدارەی سەربەخۆی راپەرین کاریگەری زیاتر بێت.
ئاماژەی بەوەشکرد، ئاسمان لە نێوان هەوری تەواو و نیمچە هەور دەبێت لە کاتەکانی بەیانی کەمێک نمە باران لەناوچە شاخاوییەکان بە تایبەتی ناوچە سنوورییەکان دەبارێت پاشان لەکاتەکانی ئێوارە کاریگەریی لاواز دەبێت.
