وەزیری تەندروستیی عێراق ڕایگەیاند کە گرێبەستییان لەگەڵ کۆمپانیای فایزەری ئەمریکی کردووە، بەمەبەستی کڕینی چوار ملیۆن و 500 هەزار ژەمەڤاکسینی فایزەر.
حەسەن تەمیمی ڕایگەیاند، ئێستا سێ جۆر ڤاکسین لە عێراقدا هەیە ئەوانیش (فایزەر، سینۆفارم و ئەسترازێنیکا)ن.
وەزیری تەندروستی، “سەرجەم ڤاکسینەکان چالاک و سەلامەتن و ڕێکخراوی تەندروستیی جیهانی سەرپەرشتیی دەکات”.
لە بەرواری 11ی نیسان یەکەم کاروانی ڤاکسینی فایزەری ئەمریکی گەیشتە عێراق و ژمارەی 50 هەزار ژەمەڤاکسین بووە، هەروەها لە 18ی مانگی داهاتوودا دووم کاروانی ڤاکسینەکە دەگاتە عێراق.
