بەڕێوبەرایەتی پۆلیسی سلێمانی ڕایگەیاند، بە تۆمەتی بریندارکردنی کەسێک تۆمەتبارێک دەستگیرکراوە و دەستبەسەر چەکەکەشیدا گیراوە.
پۆلیسی سلێمانی لە ڕاگەیەندراوێکدا ئاشکرایکرد، ” پاش ئەوەی چەند ڕۆژێک لەمەوبەر تۆمەتبارێک تەقەی لەکەسێک کرد و برینداریکرد و دواتر ھەڵات، ھێزەکانی پۆلیس لێکۆڵینەوەکانیان بۆ دۆزینەوە و دەستگیرکردنی تۆمەتبار دەستپێکرد و پاش وەرگرتنی بڕیاری دادوەر، توانرا تۆمەتبار (ر، پ، ز لەدایکبووی 1994 ) دەستگیربکرێت و دەستیشبگیرێت بەسەر ئەو چەکەدا کە تۆمەتبار لەکاتی تاوانەکەیدا بەکاریھێنابوو”.
پۆلیسی سلێمانی ئاشکراشیکردووە، لەئێستادا تۆمەتباری ناوبراو بەبڕیاری دادوەری لێکۆڵینەوەو بەپێی ماددەی (31/405 ) لەیاسای سزادان ڕاگیراوە و لێکۆڵینەوەکان بەردەوامە.
