سەرۆکی کۆمەڵەی پەنابەرە گەڕاوەکان رایگەیاند، ئەو 60 کۆچبەرەی لە خاکی لیبیاوە دەگەڕێنرێنەوە بۆ کوردستان کوردن و 60٪ بۆ 70٪یان خەڵکی دەڤەری راپەڕینن.
بەکر عەلی، سەرۆکی کۆمەڵەی پەنابەرەگەڕاوەکان لە ئەوروپا لە لێدوانێکدا ئاشکرایکرد، “ئەو 60 کۆچبەرەی لە لیبیاوە دەگەڕێنرێنەوە کوردن و 60٪ بۆ 70٪ی ئەو کۆچبەرانە خەڵکی دەڤەری راپەڕینن.
وتیشی، “22 کۆچبەری دیکەش لە زیندانی “دیرئەلغەنەم” لە لیبیاوە دەگەڕێندرێنەوە هەرێمی کوردستان، کە سەرجەمیان خەڵکی هەرێمی کوردستان و دەڤەری راپەڕینن”.
ئاماژەی بەوەشکرد، “پرۆسەی گەڕانەوەی ئەو کۆچبەرانە ئاڵۆزە، لیبیا راستەوخۆ رادەستی عێراقیان ناکاتەوە، بەڵکو پێویستە ببرێنە وڵاتێکی دیکەی نزیک، وەک قەتەڕ و ئوردن، پاشان لەوێوە رەوانەی هەرێمی کوردستان دەکرێن و دەگەڕێنەوە فرۆکەخانەی نێودەوڵەتیی هەولێر”.
