شەڕ و پێكدادانەكانی قامیشلۆ بەردەوامییان هەیە

پاش چەند كاتژمێرێك هێوربوونەوە، جارێكی دیكە شەڕ و پێكدادان لەنێوان هێزەكانی ئاسایشی ڕۆژئاوا و بەرگریی نیشتمانی لە شاری قامیشلۆ، دەستیپێكردەوە.

ڕوانگەی سوری بۆ مافەكانی مرۆڤ ئەمڕۆ پێنجشەممە ڕایگەیاندووە، جارێكی دیكە شەڕ لەنێوان هێزەكانی ئاسایشی ڕۆژئاوا و بەرگریی نیشتمانیی سەر بە حكومەتی سوریا لە شاری قامیشلۆ دەستیپێكردووەتەوە، ئەوەش پاش چەند كاتژمێرێك لە هێوربوونەوەی دۆخی شارەكە دێت.

ئاشكراشیكردووە، پاش ئەوەی ئاسایشی ڕۆژئاوا توانیویەتی دەست بەسەر چەند شوێنێكی گەڕەكی “طي” لە قامیشلۆ بگرێت، هێزەكانی بەرگریی نیشتمانی بە هاوەن و چەكی بی كەی سی هێرشەكانیان بۆسەر گەڕەكەكە چڕكردووەتەوە، بۆ ئەوەی ئاسایش ناچار بە چۆڵكردنی بكەن.

ڕوانگەی سوری بۆ مافەكانی مرۆڤ ئاماژەی بەوەكردووە، تائیستا زیانەكانی ئەو شەڕە نەزانراون، بەڵام لەلایەن هێزەكانی بەرگریی نیشتمانییەوە ماڵی زۆرێك لە هاوڵاتییان بەئامانج گیراوە.

ئێوارەی ڕۆژی سێشەممە 20ی نیسان، شەڕ لەنێوان هێزەكانی ئاسایشی ڕۆژئاوا و هێزەكەی سەر بە حكومەتی سوریا لە قامیشلۆ دەستیپێكرد، ئاسایشی ڕۆژئاوا لە ڕاگەیەندراوێكدا وتی، “چەند گروپێكی سەر بە بەرگریی نیشتمانی، بەنیازن ئاسایش و سەقامگیریی قامیشلۆ بشێوێنن”.

بابەتی پەیوەندیدار
زیاتر ببینە

پەناگەی ئاژەڵانی بێلانە لە سلێمانی چاوەڕوانیی بڕیاری خەرجكردنی بودجەیە

پەرەپێدانی پەناگەی ئاژەڵانی بێلانە لە سلێمانی لە چاوەڕوانیی ڕەزامەندیی وەزارەتە پەیوەندیدارەكانە، وتەبێژی شارەوانیی سلێمانی دەڵێت، نوسراویان بەرزكردووەتەوە و…
زیاتر ببینە

نوێترین زانیاری لەبارەی پرسی هەڵبژاردنی سەرۆککۆمار

ئه‌ندامێکی ئه‌نجومه‌نی نوێنه‌رانی عێراق، زانیاریی نوێ لەبارەی پرسی هەڵبژاردنی سەرۆککۆمار رادەگەیەنێت. به‌سمان سمۆ ناڤحۆش، ئه‌ندامی ئه‌نجومه‌نی نوێنه‌رانی عێراق…
Total
0
Share