ئەمشەو، چوارشەممە لە چوارچێوەی ڕوبەڕوبوونەوەکانی هەفتەی 31ی خولی پلە یەکی ئیسپانیا، یانەی ڕیاڵ مەدرید ڕوبەڕوی قادیش بووەوە و بردنەوەیەکی گەورەی تۆمارکرد.
قادیش لە یاریگای ڕامۆن دی کارانرا میوانداری یانەی ڕیاڵ مەدریدی دووەمی ڕیزبەندی یانەکانی لالیگای کرد، یاری نێوانیان بە بردنەوەی ئەستێرەکانی زێدان بە ئەنجامی (3-0) کۆتاییهات.
گۆڵەکانی لۆس بلانکۆس لە خولەکەکانی 30 و 33 و 40 لەلایەن کەریم بنزیمە (دوو گۆڵ) و ئەلڤارۆ ئۆدریزۆلاوە تۆمارکران.
https://streamable.com/ziuh6e
بەپێی ئەنجامە تۆمارکراوەکە، ڕیاڵ مەدرید لە کۆی 32 ڕوبەڕوبوونەوەی وەرزی 2020/2021 و بە کۆکردنەوەی (70) خاڵ لەگەڵ ئەتلەتیکۆ مەدرید هاوتابووەوە و بە جیاوازی یارییە ڕوبەڕووەکان و گۆڵ لە پلەی یەکەمی ڕیزبەندی یانەکانی لالیگا جێگیربوو (ئەتلەتی 31 یاریکردووە)، لە بەرانبەردا یانەی قادیش بە 36 خاڵەوە لە پلەی 13ی ڕیزبەندی دا جێگەی خۆیی کردەوە.
