دێوەزمەکەی ئیسپانیا ڕیاڵ مەدریدی هەڵبژاردووە و ناگەڕێتەوە بۆ بەرشلۆنە

 

یاریزانی یانەی وڵڤەرهامپتنی ئینگلیزی، ئاداما تراوی خەون دەبینێت بگەڕێتەوە بۆ خولی ئیسپانیا و پەیوەندی بە یانەی ڕیاڵ مەدریدەوە بکات.

ماڵپەڕی دیفێنسا سەنتراڵی نزیک لە یانەی ڕیاڵ مەدرید ئاشکرایکردووە، ئەستێرە هەڵکشاوەکەی وڵڤەرهامپتن کە بە ڕەگەز خەڵکی وڵاتی مالییە، بڕیاریداوە بۆ هەبژاردەی ئیسپانیا یاریبکات، ئەم بڕیارەشە لەسەر ڕۆشنایی گەورەبوونی لە وڵاتی ماتادۆرەکان و بانگهێشتکردنی لەلایەن لویس ئینریکی بۆ هەڵبژاردەی ئەو وڵاتە داوە.

لە ماوەی ڕابردوودا تراوری بە ڕۆژنامەی مارکای ڕاگەیاندووە، ” دەرگا بەڕووی هیچ یانەیەکدا داناخەم بەتایبەت یانەی ڕیاڵ مەدرید، هەرگیز کێشەیەک نابێت ئەگەر بۆ ئەو یانە مێژووییە یاریبکەم، بەڵکو وەک هەموو جارێکی دیکە ئەگەر ئۆفەرم پێشکەشبکرێت لەگەڵ خێزانەکەم تاووتوێی دەکەم”.

سەرچاوە ئیسپانییەکە دووپاتیدەکاتەوە، زەبەلاحەکەی ئیسپانیا خەون دەبینێت درێسی مێرەنگی بپۆشێت و بە پێچەوانەوە نایەوێت بگەڕێتەوە پەیوەندی بە یانەی بەرشلۆنەوە بکات، سەرەڕای ئەوەی لە فێرگەی لاماسیاوە تواناکانی هەڵکۆڵیوە و ئەم بڕیارەش هۆکارێکی گەورەی لەپشتە.

تراوری لە هاوینی 2015 بەبێ ئەوەی پرسوڕای پێبکرێت لە یانەی بەرشلۆنەوە ڕەوانەی وڵڤەرهامپتن کرا، بەهۆی ئەم بڕیارەوە یاریزانەکە لە یانە کەتەلۆنییەکە توڕەیە و نایەوێت جارێکی دیکە یارییان بۆ بکاتەوە، بەڵکو لەدوای پەیوەندیکردنی بە پێکهاتەی ئیسپانیاوە پەیوەندییەکی توندوتۆڵی لەگەڵ سێرجیۆ ڕامۆسی کاپیتانۆی لارۆخا و یانەی ڕیاڵ مەدرید پێکهێناوە و لە ئێستادا یانە مەدریدیەکە چاودێری توانا هونەرییەکانی دەکەن.

بابەتی پێشتر

یاری دێربی دەکرێت؟ زڵاتان گەڕایەوە و شەشەم یاریزانی ئینتەر تووشی کۆرۆنا بوو

بابەتی دواتر

سپۆرت: کات و وادەی کلاسیکۆ بڕیاری لێدراوە و بەم نزیکانە دەبێتە فەرمی

بابەتی پەیوەندیدار
زیاتر ببینە

سوارێز چاوەڕێی وەڵامی دۆرتمۆندە

لویس سوارێز، هێرشبەری ئۆرۆگوایی و پێشووی یانەکانی بەرشلۆنە و ئەتلەتیکۆ مەدرید، تواناکانی پێشکەشی یانەی بوروسیا دۆرتمۆندی ئەڵمانی کردووە.…
Total
0
Share