وەزارەتی تەندروستیی هەرێم ئاماری نوێی كۆرۆنای بڵاوكردەوە و رایدەگەیەنێت، 645 توشبووی نوێ تۆماركراوە و توشبوون لە دهۆك لە چاو پارێزگاكانی دیكە بەرزە.
وەزارەتی تەندروستی ئەمڕۆ شەممە 17ی نیسان ئاماری 24 كاتژمێری ڕابردووی بڵاوكردەوە و تیایدا هاتووە، پێنج هەزار و 658 پشكنین ئەنجامدراوە و لەو ژمارە 645 توشبووی نوێ تۆماركراوە.
زۆرترین رێژەی توشبوون لە دهۆكە بە 487 حاڵەتە، لەكاتێكدا هەولێر 82 و سلێمانی 62 حاڵەتیان تیا تۆماركراوە.
هەر لەو ماوەیەدا 496 توشبوو چاكبوونەتەوە، وەك ئەوەی لە راگەیەنراوەكەی وەزارەتی تەندروستیدا هاتووە و 12 توشبووش گیانیان لەدەستداوە كە بەهەمان شێوە زۆرترینی لە دهۆك بووە بە پێنج حاڵەت.
كۆی گشتیی توشبووانی كۆرۆنا گەیشتە 138 هەزار و 222 حاڵەت، لەو ژمارەیە 116 هەزار و 916-یان چاكبوونەتەوە و سێ هەزار و 869 توشبووش گیانیان لەدەستداوە.
