وەزیری تەندروستیی هەرێم لەبارەی جۆرە نوێیەكەی كۆرۆناوە هۆشداری دەدات

وەزیری تەندروستیی هەرێم لەبارەی بڵاوبوونەوەی ڤایرۆسە نوێیەكەی كۆرۆناوە هۆشداری دەدات و دەڵێت، “ژمارەی پڕبوونی قەرەوێڵەکان لە نەخۆشخانەکان زۆر زیاتر بووە”.

لە ڕاگەیەندراوێكدا ئەمڕۆ چوارشەممە 17ی ئازار، د. سامان بەرزنجی، وەزیری تەندروستیی هەرێم ڕایگەیاندووە، “زنجیرەی نوێی ڤایرۆسی کۆرۆنا خێرا بڵاودەبێتەوە، زۆرترین ژمارە و ڕێژەی توشبوون 7.8% تومارکراوە و لە ڕۆژانی داهاتووشدا پێشبینی زیاتریش دەکرێت”.

وەزیری تەندروستی ئەوەشی خستوەتەڕوو، “بەپێی پێوەرەکان، ڕێژەی گواستەوەی ڤایرۆس لە هەر توشبوویەك زیاتر لە کەسێکی دیکە تووش دەکات و ژمارەی پڕبوونی قەرەوێلەکانیش لە نەخۆشخانەکان زۆر زیاتر بووە ئەمەش گواستنەوەی بەربڵاوی نێو کۆمەڵگا دەگەیەنێت”.

د.سامان بەرزنجی داوایكردووە، “تکایە پاڵپشتیی ڕێکارەکان بن و ئاگاداری خۆتان و خانەوادەتان بن، دانانی ماسک و دوورکەوتنەوە لەیەکتر و نەچوون بۆ شوێنی قەرەباڵغ گرنگترین ڕێکارەکانی خۆپارێزین”.

ئەوەشی وتووە، “لەکاتی بوونی نیشانەکان سەردانی سەنتەرەکانی کۆرۆنا بکەن بۆ پشکنین و چارەسەرکردن”.

بابەتی پێشتر

(304) ملیۆن و شەش یاریزان قەرەبووی کریستیانۆیان نەکردووەتەوە

بابەتی دواتر

سوپای عێراق كەلوپەل و ئۆتۆمبێلی سەربازیی نوێی لە هاوپەیمانان وەرگرت

بابەتی پەیوەندیدار
Total
0
Share