توێژینەوەیەکی توێژەرانی فەرەنسی و ئەمریکی دەریدەخات ماددەی “Octocrylen” کە لەپێکهاتەی دژەخۆردا هەیە و لە تاقیگەکانی دروستکردنی کەرەستەکانی جوانکاریدا بەکاردەهێنرێت هۆکاری تووشبوونە بە شێرپەنجە.
لە دیارترین ئەو پێکهاتانەی لە دروستکردنی کەرەستە جوانکارییەکاندا بەکاردەهێنرێن ماددەی ئۆکتۆکریلین-ە، بەوە ناسراوە پارێزەرێکی بەهێزی تیشکی خۆرە، سەرەڕای ئەوە لە کرێمە شێدارکەرەوەکانی پێست و قژ، لە شامپۆکان و بەشێکی دیکە لە کەرەستە جوانکارییەکاندا بەکاردەهێنرێت لەکاتێکدا ئەو ماددەیە هۆکاری شێرپەنجەیە.
توێژینەوەیەکی فەرەنسی – ئەمریکییە کە تاقیگەی هەمەچەشنیی بایۆلۆجی و زانستی تەکنەلۆژیای میکرۆبی و بایۆلۆجی ئەنجامیداوە، ئاماژە بۆ مەترسیداریی ئەو ماددەیە دەکات.
بەپێی توێژینەوەکە ماددەی Octocrylen کە لە کەرەستە جوانکارییەکاندا بەکاردەهێنرێت، بەتێپەڕبوونی کات دەگۆڕێت بۆ ماددەی ” Benzophenone” بێنزۆفێنۆن، کە ماددەیەکە هۆکارە بۆ کێشە لە ڕژێنەکان کە هۆکاری تووشبوونن بە شێرپەنجە، هەروەها هۆکارێکی پیسبوونی ژینگەیە.
توێژەران لەو توێژینەوەیەدا شیکارییان بۆ 15 جۆر کرێمی دژە خۆر و کرێمەکانی دژە پیربوون و جوانکاری کردووە کە لەناودارترین کرێمەکانن لەجیهاندا دەفرۆشرێن، دەرکەوتووە لەو کرێمانەدا ڕێژەی ماددەی Benzophenone زۆر بەرزبووە و لەگەڵ کات و مانەوەشیاندا ئەو ماددەیە زیاتر بووە تێیاندا بەجۆرێک دەگاتە 100% و هەندێک جار گەیشتووەتە 200% لەدوای شەش هەفتە لە کردنەوەی کرێمەکە.
ئەمەش هۆکارێک بووە بۆئەوەی توێژەران هۆشداریبدەن لە بەکارهێنانی هەر کەرەستەیەکی جوانکاری کە ئەو ماددەیەی تێدا بەکارهاتبێت، جەختدەکەنەوە لە بەکارهێنانی ئەو کرێم و کەرەستە جوانکارییانەی هیچ بڕێکی ماددەکەیان تێدانییە.
