بافڵ تاڵەبانی: کوردانی ئێزدی پێکهاتەیەکی گرنگ و کاریگەری کوردستانن

بافڵ تاڵەبانی، هاوسەرۆکی یەکێتیی نیشتمانیی کوردستان

هاوسەرۆكی یەكێتی پیرۆزبایی ئاراستەی ئیزدییان دەكات و بەڵێنی خۆیشی دووپاتدەكاتەوە لەسەر پاڵپشتی و پشتگیری داواكانیان.

بافڵ تاڵەبانی، هاوسەرۆکی یەکێتیی نیشتمانیی کوردستان ئەمڕۆ سێشەممە 13ی نیسان پەیامێكی بڵاوكردەوە و تیایدا هاتووە، “بەبۆنەی جەژنی سەری ساڵی ئێزدییەوە پیرۆزباییەکی گەرم ئاراستەی خوشک و برایانی ئێزدی لە کوردستان و جیهان دەکەم و هیوادارم جەژنێکی پڕ خۆشی و کامەرانیتان هەبێت”.

بافڵ تاڵەبانی دەشڵێت، کوردانی ئێزدی پێکهاتەیەکی گرنگ و کاریگەری کوردستانن و وڵاتەکانمان بە ئەوانەوە جوانتر و فرەڕەنگترە.

“ئێمە ئازار و نەهامەتییەکانی خوشک و برایانی ئێزدیمان لەیادنەکردووە، دەزانین لە رابردوودا زوڵم و ستەمێکی زۆریان بەرامبەر کراوە و قوربانی زۆریان داوە. بۆیە بە ئەرکی خۆمان دەزانین هەموو هەوڵەکانمان لەپێناو دابینکردنی ژیانێکی شایستە و خۆشگوزەران بۆ خوشک و برا ئێزدییەکانمان چڕبکەینەوە و هەنگاوی جدی بنێین بۆ گەڕانەوەی ئەو ئازیزانەمان کە تاوەکو ئێستا چارەنووسیان نادیارە” هاوسەرۆكی یەكێتی وادەڵێت.

جەختیشیدەكاتەوە، “دەمەوێت بەڵێنی خۆم بۆ سەرجەم خوشک و برایانی ئێزدی دووپاتبکەمەوە کە خۆم بە پاڵپشت و هاوکاری ئێوە دەزانم و پشتگیری داوا ڕەواکانتان دەکەم”.

بابەتی پێشتر

وشكەساڵی هەڕەشە لە گەرمیان دەكات

بابەتی دواتر

بایدن داوا لە پوتین دەكات لە وڵاتی سێیەم كۆببنەوە

بابەتی پەیوەندیدار
زیاتر ببینە

پۆلیسی ڕاپەڕین لەبارەی سووتاندنی ئۆتۆمبیلێک لەلایەن خاوەنەکەیەوە ڕوونکردنەوە دەدات

بەڕێوەبەرایەتیی پۆلیسی ڕاپەڕین لەبارەی سووتاندنی ئۆتۆمبیلێکەوە لەلایەن خاوەنەکەیەوە ڕایدەگەیەنێت، خاوەنی ئۆتۆمبیلەکە چاوەڕوانی یەکلاییبوونەوەی ڕێکارە یاساییەکانی بەڵگەنامەکانی ئۆتۆمبیلەکەی نەکردووە…