دوو كەس لە بەردەم نەخۆشخانەیەكی شاری پاریس ڕوبەڕووی تەقەكردن بوونەوە و بەپێی وتەی پۆلیس یەكێكیان كوژراوە.
سایتی مۆنت كارلۆی فەڕەنسی ئەمڕۆ دووشەمە 12ی نیسان لەسەر زاری سەرچاوەیەكی پۆلیسەوە بڵاویكردەوە، ئەمڕۆ دوو كەس لە بەردەم یەكێك لە نەخۆشخانەكانی پاریس تەقەیان لێكراوە.
بەپێی سەرچاوەكە، بەهۆی ڕوداوەكەوە یەكێكیان كوژراوە و ئەوی دیكەیان بریندارە و لەهەمان ئەو نەخۆشخانەی ڕوداوەكە لە بەردەمیدا بووە و دەكەوێتە بازنەی شانزە چارەسەر وەردەگرێت.
هێرشبەرەكەش بە ماتۆڕسكیلێك هەڵهاتووە و، تائێستا هۆكار و پاڵنەری ڕوداوەكە ئاشكرانەكراوە.
س: مۆنت كارلۆ
