تەندروستیی جیهانی: لە چەند ڕۆژی داهاتوودا ملیۆنان ڤاكسینی دژە كۆرۆنا دەگاتە عێراق

كوتانی كارمەندانی تەندروستیی سلێمانی بە ڤاكسینی دژە كۆرۆنا- فۆتۆ/ بژار دەباغ

ڕێكخراوی تەندروستیی جیهانی ئاشكرایكردووە، ملیۆنان ڤاكسین لە چەند ڕۆژی داهاتوودا دەگاتە عێراق.

لای خۆیەوە ئەحمەد زوەیتن، نوێنەری ڕێكخراوی تەندروستیی جیهانی ڕایگەیاندووە، “ڕێژەی توشبوون بە كۆرۆنا لە عێراق بەشێوەیەكی بەرچاو ڕووی لە زیادبوون كردووە و گەیشتووەتە 800 هەزار توشبوو”.

ئەوەشی ئاشكراكردووە، “دەكرێت ڕێژەی توشبوون كەمبكرێتەوە لەڕێی كوتان بە ڤاكسینی دژە كۆرۆنا و ڕێكارەكانی خۆپارێزی”.

نوێنەرەكەی تەندروستیی جیهانی ئاماژەی بەوەشكردووە، “كاروانی یەكەم 50 هەزار و كاروانی دووەم 336 هەزار ڤاكسین پێشتر گەیشتوونەتە عێراق، لە چەند ڕۆژی داهاتووشدا ملیۆنان ڤاكسینی دیكە دەگەنە عێراق”.

هۆشداریشیداوە لەوەی، “ئەوانەی دەكوترێن دەبێت بۆ ماوەی 20 بۆ 30 خولەك لەژێر چاودێریدا بن بەر لەوەی ڕێگایان بدرێت بگەڕێنەوە ماڵەوە”.

بابەتی پێشتر

لێبوردنی نێودەوڵەتی: كۆرۆنا پێشێلكارییەكانی لە ڕۆژهەڵاتی ناوەڕاست و باكووری ئەفریقا زیادكردووە

بابەتی دواتر

یاسای بودجە لەلایەن سەرۆككۆمارەوە پەسەندكرا

بابەتی پەیوەندیدار
Total
0
Share