دەسەڵاتی فڕۆكەوانیی شارستانیی عێراق، ڕێنمایی نوێی بڵاوكردەوە بۆ ئەوانەی لەڕێگەی فڕۆكەخانەكانی عێراقەوە گەشتدەكەن.
بەپێی ڕاگەیەندراوێكی دەسەڵاتی فڕۆكەوانی، لەكاتی گەشتكردندا منداڵان و مێردمنداڵانی تەمەن 12 ساڵ و سەرووتر، دەبێت كارتی نێودەوڵەتی خۆڤاكسینكردنیان پێبێت.
ڕێككارێكی تری دەسەڵاتی فڕۆكەوانی بۆ منداڵانی تەمەن 10 ساڵ و 11 ساڵانە و دەبێت لە فڕۆكەخانەكاندا پشكنینی (PCR)یان پێبێت بەو مەرجەی 72 كاتژمێر بەسەر ئەنجامدانیدا تێپەڕنەبووبێت.
دەسەڵاتی فڕۆكەوانیی شارستانیی عێراق ئاشكرایكردووە، ڕێككارە نوێیەكان لە هەموو فڕۆكەخانەكانی عێراقدا جێبەجێدەكرێن و وەك دەڵێت، “پشتبەست بە ڕێنماییەكانی لیژنەی باڵای نیشتمانیی تەندروستی و سەلامەتی” ئەو ڕێككارانەی گرتووەتەبەر.
