نرخی نەوتی خاو ئەمڕۆ تاڕادەیەك بەرزبوونەوەی بەخۆیەوە بینیوە، پاش ئەوەی دوێنێ ڕێژەیەكی زۆری بەهاكەی لەدەستدا، چین و ئەمریكا بە هۆكاری بوژانەوەی نرخی نەوت دەزاندرێت.
بۆ ئەمڕۆ سێشەممە 6ی نیسان، لەكاتی بڵاوكردنەوەی ئەم هەواڵە، نرخی یەك بەرمیل نەوتی خاوی برێنت بەرامبەرە بە 62 دۆلار و 55 سەنت، هێماكەی سەوزە و بەرارود بە دوێنێ بەرزبوونەوەیەكی كەمی بەخۆیەوە بینیوە.
هەروەها نرخی یەك بەرمیل نەوتی خاوی ڕۆژئاوای تەكساس (ئەمریكی) بەرامبەرە بە 59 دۆلار و 9 سەنت.
ئەوەش لەكاتێكدایە، دوێنێ دووشەممە نرخی نەوتی خاو لە جیهاندا 4%ی بەهاكەی لەدەستدا.
ئاژانسی ڕۆیتەرز هۆكاری ئەو بەرزبوونەوەی ئەمڕۆی نرخی نەوت دەگەڕێنێتەوە بۆ، داتا ئابورییەكانی ئەمریكا و چین كە گەشەیان بەخۆیانەوە بینیوە.
