پۆلیسی هەولێر ڕایدەگەیەنێت، دوو تۆمەتباریان دەستگیركردووە كە بە زەبری هەڕەشە بڕێك دۆلار و دیناریان لە هاوڵاتییەك سەندووە.
بەڕێوبەرایەتی پۆلیسی پارێزگای هەولێر ئەمڕۆ یەكشەممە 4ی نیسان بڵاویكردەوە، بنكەی پۆلیسی تەیراوە دوو تۆمەتباریان بە ناوەکانی (ر.ر.م.) و (ج.ر.م.) دەستگیرکرد، کە بەزەبری هەڕەشە، بڕی (100 هەزار دۆلار) و (60 ملیۆن دینار)یان لە ھاوڵاتیەک سەندبوو.
“هەردوو تۆمەتبار برای یەكترن، دوای ئەوەی وتەیان لێوەرگیرا، دانیان نا بە تاوانەکەیاندا” وەك ئەوەی پۆلیسی هەولێر ڕونیكردوەتەوە.
دەشڵێت، بە بڕیاری دادوەری لێکۆڵینەوە و بەپێی ماددە (430) لە یاسای سزادان، بەندکراون.
