پەیامنێری تۆڕی میدیایی ئێستا لە هەولێر ڕایگەیاند، كەمێك پێش ئێستا كچێك لە پارکی ئۆتۆمبیلی وەزارەتی كارەبا لەلایەن كوڕێكەوە بە دەمانچە تەقەی لێکراوە و کوژرا.
هۆگر عەزیز، وتەبێژی پۆلیسی هەولێر بە تۆڕی میدیایی ئێستای ڕاگەیاند، “تەقەکەرەکە لەلایەن پۆلیسی هەولێرەوە دەستگیرکراوە و دەستگیراوە بەسەر ئەو چەکەدا کە تەقەی پێکردووە”
وتەبێژی پۆلیسی هەولێر وتیشی، “تەقەکەرکە و ئەو کچەشی کە تەقەی لێکراوە هەردووکیان کارمەندی وەزارەتی کارەبا بوون و یەکیتریان ناسیووە”.
شایەتحاڵانی ڕوداوەکە دەڵێن، دوو فیشەک بەر کچەکە کەوتووە و بە سەختی بریندارکراوە و پاشان گواستراوەتەوە بۆ نەخۆشخانە، بەڵام گیانی لە دەستداوە.
