میدیاكانی ئەمریكا ئاشكرایانكرد ئەو كەسەی هێرشیكردەسەر دیواربەندی دەرەوەی بینای كۆنگرێس (كاپیتۆڵ) پیاوێكی تەمەن 25 ساڵە و لە گروپی (ئۆمەتی ئیسلام)ە.
تۆڕی (ئێن بی سی ئەمریكی) ڕۆژی هەینی 2ی نیسان بڵاویكردەوە، هێرشبەرەكە ناوی (نوح گرین) تەمەن 25 ساڵە و لە فەیسبوكی خۆیەوە بڵاویكردوەتەوە كە سەر بە گروپی (ئۆمەتی ئیسلام – Nation of Islam)ە.
پێشتر پۆلیسی كاپیتۆڵ ئاشكرایكرد ئەو شۆفێرەی خۆی بە بەربەستی ئەمنی نزیك بیناكەدا كێشاوە، لای پۆلیس ناسراو نییە و لە لیستی گومانلێكراواندا نییە.
لە ڕوداوەكەدا تۆمەتبار بە ئۆتۆمبێلەكەی خۆی كێشاوە بە دوو كارمەندی پۆلیسدا و بەهۆیەوە یەكێكیان كوژرا و ئەوی دیكەیان بریداربوو، هەروەك خۆیشی ئەوەی بە چەقۆوە لە ئۆتۆمبێلەكەی دابەزی لەلایەن هێزەكانی پۆلیسەوە تەقەی لێكرا و كوژرا.
س: ئاژانسەكان
