حکومەتی ئیسرائیل بڵاویکردەوە گەیشتوونەتە هەنگاوەکانی کۆتایی لە تەواوکردنی رەشنووسی رێکەوتنی ئاشتیی لەگەڵ سودان.
لەدوای سەردانەکەی ئیلی کۆهین وەزیری دەرەوەی ئیسرائیل بۆ سودان، میدیاکانی ئەو وڵاتە بڵاویانکردەوە، “رەشنووسی رێکەوتنی ئاشتی نێوان ئیسرائیل و سودان گەیشتووەتە قۆناغی کۆتایی و لە چەند مانگی داهاتوودا واژۆ دەکرێت”.
ئاشکراشیانکرد، “واژۆکردنی رێکەوتنەکە بۆ دوای پێکهێنانی حکومەتی مەدەنی لە سودان دواخراوە و بە رەزامەندی ویلایەتە یەکگرتووەکانی ئەمریکا ئەنجامدراوە”.
بەپێی رەشنووسی رێکەوتنەکەی نێوان ئەو دوو وڵاتە، ئیسرائیل هەوڵدەدات لە چەندین بواردا هاوکاریی پێشکەش بە سودان بکات.
