وەزارەتی تەندروستیی هەرێم ڕایدەگەیەنێت، 860 توشبووی نوێی كۆرۆنا تۆماركراوە و حەوت توشبووش گیانیان لەدەستداوە.
وەزارەتەكە ئەمڕۆ سێشەممە 30ی ئازار ئاماری 24 كاتژمێری ڕابردووی بڵاوكردەوە و دەڵێت، لەو ماوەیەدا حەوت هەزار و 144 پشكنین ئەنجامدراوە و لەو ژمارەیە 860 توشبووی نوێ تۆماركراوە.
هەر لەو ماوەیەدا 399 توشبوو چاكبوونەتەوە و حەوت توشبووش گیانیان لەدەستداوە.
بەپێی ئامارەكە كۆی توشبووانی كۆرۆنا لە هەرێم گەیشتە 121 هەزار و 179 توشبوو، لەو ژمارەیە 109 هەزار و 234-یان چاكبوونەتەوە و سێ هەزار و 660 توشبووش گیانیان لەدەستداوە.
