سەرۆکی لیژنەی ئاسایشی نەتەوەی لە پەرلەمانی ئێران ڕایدەگەیەنێت، وڵاتەکەی بە نیازە لەگەڵ ڕوسیاش ڕێککەوتن واژوو بکات بۆ هەڵوەشاندنەوەی گەمارۆکانی سەری کە لەلایەن ئەمریکاوە خراوەتە سەری.
سێ ڕۆژ پیش ئێستا ئێران و چین ڕێککەوتنێکی 25 ساڵەیان واژوو کرد، کە یەکێک لە خاڵەکانی ڕێککەوتنەکە گەمارۆی سەر کەرتی وزەی ئێران هەڵدەوەشێنێتەوە.
موجتەبا زولنور، سەرۆکی لیژنەی ئاسایشی نەتەوەی لە پەرلەمانی ئێران بە ئاژانسی میهری ڕاگەیاندووە، ” یەکێک لە گرنگترین ڕێگاکان بۆ کەمکردنەوەی کاریگەری گەمارۆکانی ئەمریکا دژی ئێران ئەوەیە کە ئێمە لەگەڵ وڵاتانی گەورە پەیوەندی درێژخایەن و لەگەڵ وڵاتانی دراوسێ و هەروەها وڵاتانی ناوچەکە لە ئاستی بەربڵاودا هاوکاری ئابووریمان هەبێت”.
ئەو بەرپرسە ئێرانییە ڕایگەیاندووە، ” کۆماری ئیسلامی جگە لە چین، بەدوای ئەوەدایە کە لەگەڵ ڕووسیاش ڕێککەوتنی درێژخایەن و ستراتیژی واژوو بکات کە هەم دانوستانە ئابوورییە دوولایەنەکان “تۆکمە بکاتەوە و هەم لە بواری چالاکی هاوبەش دەتوانێت ڕێگاخۆشکەر بێت.
ڕێککەوتنی نێوان چین و ئێران لە چەند خاڵێکدا دژی بڕیارەکانی ئەمریکایە، بە تایبەت پرسی فرۆشتنی نەوت و گاز کە ئەمریکا پێشتر ڕێگری توندی لێدەکرد.
