فەرماندەیەكی پێشمەرگە لە میحوەری كەركوك ئاشكرایكرد، موشەكەكان لە سنووری كەركوكەوە ئاڕاستەی پێشمەرگە كراون و زیانەكان نەزانراون.
ژمارەیەك موشەك ئاڕاستەی چەند سەنگەرێكی پێشمەرگە لە میحوەری پردێ و كەركوك كران، پێشمەرگە لە سنوورەكە كەوتووەتە جوڵە.
تاریق حەساری، فەرماندە لە هێزەكانی پێشمەرگە لە میحوەری كەركوك بە تۆڕی میدیایی ئێستای وت، “لە ڕاستیدا ژمارەی موشەكەكان نازانین، بەڵام چەند جارێك دوو موشەك دوو موشەك ئاڕاستەی پێشمەرگە كراون”.
ئەو فەرماندەیە ئەوەشی خستەڕوو، “بە چەكی قورسی جۆری ڕاجیمەش هێرش كرایە سەر پیشمەرگە نەك تەنها موشەك، لە ئاڕاستەی كەركوكەوە هێرشەكان دەكران”.
تاریق حەساری ئاماژەی بەوەشكرد، “لە ئێستادا خۆمان كۆدەكەینەوە و دەستمانكردووەتە جوڵە و دەچینە شوێنی موشەكەكان و نازانین زیانەكان چین”.
