پەرلەمانی کوردستان بەرنامەی کاری دانیشتنی چوارشەممەی ئاشکراکرد

پەرلەمانی کوردستان بانگهێشتی ئەندامانی پەرلەمان دەکات بۆ دانیشتنی ڕۆژی چوارشەممە ڕۆژی 31ی ئازار و بڕیارە خوێندنەوە و دەنگدان لەسەر چەند پڕۆژەیاسایەک بکات، لەوانە پڕۆژە یاسای وەزارەتی کارەبا لە هەرێمی کوردستان.

لە ڕاگەیەندراوێکدا پەرلەمانی کوردستان بەم شێوەیە بەرنامەی کاری ڕۆژی چوارشەمەی ئاشکراکردووە:

یه‌كه‌م: خوێندنه‌وه‌ى یه‌كه‌م بۆ ئه‌م پڕۆژه‌یاساییانه‌ى خواره‌وه‌، پشت به‌ستن به‌ حوكمى بڕگه‌ی (دووه‌م و چواره‌م)ى مادده‌ى (78)و بڕگه‌ی (یه‌كه‌م)ى كادده‌ى (83) له‌په‌یڕه‌وه‌ى ناوخۆى په‌رله‌مانی كوردستان.

1 – پڕۆژه‌یاسای وەزارەتی كارەبا لەهەرێَمی كوردستان-عێراق.

2 – پڕۆژه‌یاسای هه‌موارى دووه‌می یاسای ده‌سته‌ی گشتیى ده‌سپاكی ژماره‌ (2)ى ساڵی 2011.

دووه‌م: ده‌نگدان له‌سه‌ر پێشنیازه‌یاسای (پاراستنی به‌رهه‌مه‌ خۆماڵییه‌كان له‌هه‌رێمی كوردستان-عێراق) به‌پێی حوكمى مادده‌كانی (90، 91، 93، 96، 97) له‌په‌یڕه‌وی ناوخۆی په‌رله‌مانى كوردستان.

سێیه‌م: به‌رده‌وامبوون له‌سه‌ر خوێندنه‌وه‌ى دووه‌م بۆ پێشنیازه‌یاسای (پاراستنی تۆڕو بنچینه‌كانی ئاوو ئاوه‌ڕۆ له‌هه‌رێمی كوردستان-عێراق) به‌پێی حوكمى مادده‌كانی (87، 88، 89) له‌په‌یڕه‌وی ناوخۆی په‌رله‌مانى كوردستان.

چواره‌م: خوێندنه‌وه‌ى دووه‌م بۆ پێشنیازه‌یاسای (هاورده‌كردن و فرۆشتنی به‌رهه‌مه‌ نه‌وتییه‌كان له‌هه‌رێمی كوردستان-عێراق) به‌پێی حوكمى مادده‌كانی (87، 88، 89) له‌په‌یڕه‌وی ناوخۆی په‌رله‌مانى كوردستان.

بابەتی پێشتر

لە پارکی ئۆتۆمبیلی وەزارەتی کارەبا لە هەولێر کچێک کوژرا

بابەتی دواتر

مەسرور بارزانی: کۆرۆنا هەڕەشەدەکات و ئێستا کاتی سیاسەتکردن نیە

بابەتی پەیوەندیدار
زیاتر ببینە

پەرلەمانتارێك بۆ دەسەڵاتی خۆجێیی دهۆك: واز لە دەستگیركردنی مامۆستایان و چالاكوانان بهێنن

پەرلەمانتارێكی یەكێتی لەبارەی دەستگیركردنی مامۆستایان و چالاكوانان لە پارێزگای دهۆك یاداشتێكی ئاڕاستەی دەسەڵاتداران كردووە و ڕایدەگەیەنێت، “واز لە…
Total
0
Share