یەکێتیی ئەوروپا ڕەزامەندی دەربڕی لەسەر گرێبەستێک لەگەڵ کۆمپانیای Janssen Pharmaceutica NVی بەلجیکی بە مەبەستی کڕینی ڤاکسینی کۆرۆنا بۆ 200 ملیۆن کەس.
کۆمیسیۆنی یەکێتیی ئەوروپا لە راگەیەندراوێکدا ئەمڕۆ 8ی تشرینی یەکەم، ئاشکرای کرد کە دوای سەرکەوتنی ڤاکسینێکی گونجاو لە قۆناغەکانی تاقیکردنەوەدا، بڕیاردراوە بۆ 200 ملیۆن هاوڵاتیی وڵاتانی یەکێتیی ئەوروپا بکڕدرێت.
وڵاتانی یەکێتییەکە دەتوانن ڤاکسینەکان بۆ هاوڵاتییانی خۆیان بەکاربهێنن یاخود بیبەخشن بە وڵاتانی دیکە.
پێشتریش یەکێتیی ئەوروپا گرێبەستێکی بۆ کڕینی دەرمانی “Remdesivir” لەگەڵ کۆمپانیایەکی ئەمریکی واژوو کردبوو کە لە چارەسەری پەتای کۆرۆنادا بەکاردەهێندرێت.
لە چەند رۆژی رابردووشدا بەهۆی بەرزبوونەوەی بەرچاوی ژمارەی تووشبووانی کۆرۆنا لە وڵاتانی ئەورووپا کێشەی کەمی دەرمانی “Remdesivir” سەریهەڵدابوو.
