بەهۆی وەرگەڕانی ئۆتۆمبێلێکەوە لە گوندی تورانی نزیک ناحیەی ڕزگاری کەسێک گیانی لەدەستدا و کەسێکی دیکە بریندار بوو.
دوا نیوەڕۆی ئەمڕۆ 19 ی ئازار، لەگوندی تورانی نزیک ناحیەی ڕزگاری بەهۆی وەرگەڕانی ئۆتۆمبێلێکی جۆری نیسان پاترۆڵ کەسێک گیانی لەدەستدا کە سەرنشینی ئۆتۆمبێلەکەبووە و لەدایکبوی ساڵی 1998ە، شۆفێری ئۆتۆمبێلەکەش برینداربوو.
دوای گەیاندنی بریندارەکە بە نەخۆشخانەی فریاکەوتنی شەهید هەژار لە قەزای کەلار، لێکۆڵینەوە لەڕوداوەکە لەلایەن تیمی هاتوچۆی ناحیەی ڕزگاریەوە دەستی پێکردووە.
