ئەندامێكی لیژنەی دارایی لە ئەنجومەنی نوێنەرانی عێراق روونكردنەوە لەبارەی ناردنی 700 ملیار دینارەكە بۆ هەرێمی كوردستان دەدات و دەشڵێت، وەزارەتی دارایی عێراق چاوەڕوانی (میزانی مراجعە)ی مانگی 10ی ئەمساڵی هەرێم دەكات.
د. نەرمین مەعروف ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، وەزارەتی دارایی عێراق چاوەڕوانی (میزانی مراجعە)ی مانگی 10 دەكات بۆ ئەوەی 700 ملیار دینارەكە بۆ هەرێمی كوردستان بنێرێت.
لە چەند رۆژی رابردووشدا رێباز حەملان یاریدەدەری سەرۆكی حكومەتی هەرێم رایگەیاند، بەغداد كۆتایی ئەم مانگە 700 ملیار دینارەكە بۆ هەرێمی كوردستان دەنێرێت.
