ڕوداوێكی هاتوچۆ لە سنووری قەزای كۆیە گیان لەدەستدانی دوو برا و برینداربوونی چوار ئەندامی دیكەی خێزانەكەیانی لێكەوتەوە.
موقەدەم زاهیر محەمەد، وتەبێژی بەڕێوبەرایەتی هاتوچۆی كۆیە ئەمڕۆ چوارشەممە 17ی ئازار بە تۆڕی میدیای ئێستای وت، ڕوداوەكە كاتژمێر 02:30ی پاش نیوەڕۆی ئەمڕۆ لەسەر ڕێگای دەشتی كۆیە بەهۆی وەرگەڕانی ئۆتۆمبێلێكەوە بووە و لە ئاكامدا دوو كەس گیانیان لەدەستداوە و چواری تریش برینداربوون كە سەرجەمیان ئەندامانی یەك خێزانن و دانیشتوی شاری كەركوكن.
وتیشی، دوو قوربانییەكە برای یەكترن، لەدایكبووی ساڵانی 2005 و 2002ن.
وتەبێژی هاتوچۆی كۆیە هۆكاری ڕوداوەكەی گەڕاندەوە بۆ خێرایی لێخورین كە بەهۆیەوە شۆفێری ئۆتۆمبێلەكە كۆنتڕۆڵی لەدەستداوە.
