دەزگای ئاماری عێراق ڕایگەیاندووە، لە ساڵی ڕابردوودا لە وڵاتەكەدا 735 تۆن خورما بەرهەمهێنراوە.
لە ڕاگەیەندراوێكدا ئەمڕۆ چوارشەممە 17ی ئازار، دەزگای ئاماری عێراق ڕایگەیاندووە، لە ساڵی 2020دا 735 هەزار و 400 تۆن خورما بەرهەمهێندراوە، بەوەش 15% بەرزبوونەوەی بەخۆیەوە بینیوە.
دەزگاكە ئەوەشی ئاشكراكردووە، خورمای زوهدی سەرەكیترین جۆری خورمایە كە لە عێراق بەرهەمهاتووە، 54%ی كۆی بەرهەمەكانی خورما لەو جۆرە بووە.
لە ئامارەكەدا ئەوەش خراوەتەڕوو، لە ساڵی ڕابردوودا 396 هەزار و 700 تۆن خورمای زوهدی بەرهەمهاتووە، بەراورد بە ساڵی ڕابردوو، بە ڕێژەی 18.8% زیادی كردووە.
لە ڕیزبەندی دووەمیشدا، خورمای خەستاوی دێت كە 82 هەزار و 370 تۆنی لێ بەرهەمهێندراوە.
تا شەستەكانی ساڵی سەدەی ڕابردوو، عێراق خورمای 75%ی جیهانی دابین دەكرد و پلەی یەكەمی هەبوو لەڕووی بەرهەمهێنانی خورما، بەڵام چوار دەیەی ڕابردوو بەهۆی جەنگ و شەڕ و ئاڵۆزییەكانەوە پاشەكشێی كردووە بۆ ڕیزبەندی نۆیەم.
