وەزیری دەرەوەی ئێران لە ساڵیادی هەڵەبجەدا ڕایگەیاند، “هەندێک کەس و لایەن نایانەوێت ئەم ڕۆژە بەبیربهێنینەوە”.
محەمەد جەواد زەریف، وەزیری دەرەوەی ئێران لە تویرێکدا ڕایگەیاند، “ئەمڕۆ 16ی ئازار 33 هەمین ساڵیادی کۆمەڵکوژی هەڵەبجەیە و ساڵیادی فرۆشتنی مادەی کوشندەیە بە حکومەتەکەی سەدام حسێن”.
لە تویتەکەی زەریفدا ئاماژە بەوەشکراوە، “ڕۆژئاواییەکان مادەی کیمیایی کوشندەیان بە سەدام حسێن فرۆشت، کە زیاتر لە ٥ هەزار کەسی مەدەنی بێ تاوانی بە گازی کوشندە کوشت”.
زەریف لە کۆتایی تویتەکەیدا پرسیارێکی کردووە و وتوویەتی، ” هێشتا دەتانەوێت سەبارەت بە هەڵسوکەوتی ڕقبەرانەی ناوچەیی قسە بکەن؟”.
ڕۆژی 16 ی ئازاری 1988 لە چوارچێوەی شەڕی هەشت ساڵەی ئێران و عێراقدا، سوپای عێراق بە چەکی کیمیایی شاری هەڵەبجەی بۆردومانکرد و ٥ هەزار کەس شەهیدبوون و سەدان کەسی دیکەش بریندار و ئاوارە بوون.
March 16 is the 33rd anniversary of the chemical carnage in #Halabja.
Some care not to remember—those in the west who provided Saddam with the deadly chemicals.
Over 5,000 innocent civilians were gassed to death.
Still want to talk about “malign regional behavior”?
Shameless.
— Javad Zarif (@JZarif) March 15, 2021
