شاڵاو شێخ سەڵاح رایگەیاند، حکومەتی هەرێم بەمەبەست شاری کۆیەی لە پرۆژەی خزمەتگوزاری بێبەشکردووە و ئەمەش تەواو بە ناوچەکەوە دیارە.
شاڵاو شێخ سەڵاح سەرپەرشتیاری بازنەی هەڵبژاردنی کۆیەی یەکێتیی نیشتمانیی کوردستان رایگەیاند، قەزای کۆیە بەمەبەست لە پرۆژەی خزمەتگوزاری بێبەشکراوە هەر بۆیە یەکێتیی نیشتمانیی کوردستان هەستاوە بە تەرخانکردنی گوژمەیەکی گەورەی پارە بۆ تەواوکردنی چەندین پرۆژەی خزمەتگوزاری لە شارەکە.
وتیشی، ئەمە بۆ هەڵمەتی بانگەشەی هەڵبژاردن نییە، دوای تەواوبوونی هەڵبژاردنیش بەردەوامدەبین لە خزمەتکردنی خەڵکی ناوچەکە.
ئاماژەی بەوەشکرد، هیوادارین لە داهاتوودا حکومەتیش بە خۆیدا بچێتەوە و بێجیاوازی خزمەتی هاوڵاتییانی ناوچەکە بکات
